Á aðalfundi LS sem nú stendur yfir var upplýst að Ragnar SF-550 frá Hornafirði hefði orðið aflahæstur smábáta á sl. fiskveiðiári með 1.329 tonn. Skipstjóri á Ragnari er Arnar Þór Ragnarsson. Í máli framkvæmdastjóra LS kom fram að það hefði borið til tíðinda að hornfirskur smábátur hefði nú rofið áralanga einokun bolvískra smábáta um mesta afla smábáta á hverju ári. IMG_8317_2.jpg
Örn óskaði Arnari Þór og áhöfn hans til hamingju með þennan frábæra árangur og sagði hann vera kominn í flokk ofurfiskimanna innan Landssambands smábátaeigenda eftir gríðarlega harða keppni við Geira á Sirrý (Sigurgeir Þórarinsson), sem hampaði titlinum mesti fiskimaður smábátaflotans 2008, það munaði aðeins 4 tonnum á þeim félögum.
Örn færði Arnari blómvönd frá landssambandinu af þessu tilefni og fundarmenn fögnuðu með dynjandi lófaklappi.
Aflafréttir
Þriðjudagur, 07 Október 2008 10:09
Meiningin er að setja inn aflafréttir hér á vefinn, annað slagið a.m.k.
Nýr vefur
Miðvikudagur, 01 Október 2008 09:20
Nú er unnið að nýjum vef fyrir útgerðarfélagið Nónu ehf. Á vefnum verða upplýsingar um bátana Ragnar og Guðmund, myndir, myndbönd o.fl.
